Legenda:
Hillary Clinton vul daventar presidenta dals Stadis Unids.
Keystone
cuntegn
Exteriur - Hillary Clinton sa defenda
La candidata democrata per il presidi american, Hillary Clinton, ha stuì dar pled e fatg durant 11 uras en il congress american, quai en connex cun l'attatga da terror sin il consulat american a Bengasi en la Libia il 2012.
Hillary Clinton ch'era lura ministra da l'exteriur ha ditg ch'ils Stadis Unids na possian mai excluder cumplettamain il privel d'attatgas. Ed ella ha pretendì ina ferma politica da l'exteriur, sustegnida tant dals Democrats sco er dals Republicans.
Hillary Clinton ha dentant era rinfatschà a la cumissiun da malduvrar ina tragedia naziunala per in intent politic.
