Siglir tar il cuntegn

Exteriur Hillary Clinton vul Tim Kaine sco vicepresident

L'anteriur guvernatur dal stadi federativ da Virginia, duai sustegnair Hillary Clinton sco candidat per il vicepresidi dals Stadis Unids.

Politichers americans.
Legenda: Hillary Clinton cun Tim Kaine. Keystone

Hillary Clinton ha uffizialmain preschentà al public ses candidat per il post dal vicepresident, Tim Kaine. Il senatur democratic da Virginia partia sias valurs, ha ditg la candidata per il presidi american a Miami. Kaine ha cumenzà ses pled demonstrativamain per spagnol. Tuts stoppian esser bainvegnids en ils Stadis Unids.

Kaine sco 'varianta segira'

Tim Kaine ha 58 onns e vala sco politicher cun gronda experientscha. Tranter il 2006 e 2010 è el stà guvernatur. Dapi il 2013 è el senatur. Virginia vala sco in dals stadis federativs che pudessan esser decisivs per las elecziuns presidialas. Tenor l'opiniun d’experts ha Clinton elegì cun Tim Kaine la varianta segira.

L’autra mesemna vegn Clinton probabel uffizialmain nominada sco candidata dals democrats per il presidi american als dis da partida a Philadelphia. Gia venderdi aveva ses concurrent republican Donald Trump acceptà la nominaziun als dis da partida dals republicans a Cleveland.

RR novitads 06:00