Suenter las protestas violentas da las interpresas da taxi en Frantscha ha il president Francois Hollande pretendì da scumandar il servetsch da transport UberPop. Quel duai vegnir schlià e declerà sco illegal.
Legenda:
Demonstrants han dà fieu ad in auto ch'els quintan ch'el fetschia transports per UberPop.
Keystone
Hollande ha dentant er crititgà l'escalaziun da violenza. Quai na possian ins betg acceptar en ina democrazia, ha Hollande ditg oz en damaun a l'ur da l'inscunter da l'UE a Brüssel. Ier avevan chauffeurs da taxi protestà cunter la purschida da UberPop ch'intermediescha passagiers via Smartphone-App ad automobilists privats.
