Siglir tar il cuntegn

Header

cuntegn

Hongkong Demonstraziuns a l'ur da las festivitads

A chaschun dal 70avel anniversari da la Republica Populara da la China èn millis da persunas idas sin via a Hongkong.

Suenter ils protests paschaivels atras il di èsi vegnì en differents lieus tar charplina tranter demonstrants e la polizia. Tenor rapports da la gasetta «South China Morning Post» saja in demonstrant vegnì tutgà d'in sajet ord in'arma da la polizia. Quai dentant senza numnar ina funtauna detagliada.

La situaziun en la regiun d'aministraziun speziala saja tendida, rapportan medias localas. La polizia haja reagì cun gas lacrimogen sin ils protests avant il bajetg da la regenza a Hongkong. Ordavant avevan demonstrants bloccà las vias e mess fieus. Tenor l'autoritad d'ospitals a Hongkong èn 15 persunas vegnidas blessadas tar las demonstraziuns.

La polizia da la regiun d'administraziun speziala n'ha fin uss anc betg prendì posiziun.

RR novitads 15:00