Siglir tar il cuntegn

Header

Video
Blers èn ids a votar a Hongkong
Or da Tagesschau dals 24.11.2019.
laschar ir
cuntegn

Hongkong Las forzas democratas cun clera victoria tar las elecziuns

Hongkong tutga tar la China, n'emporta betg tge ch'il resultat da las elecziuns porta. Quai di la regenza chinaisa suenter la clera victoria dal champ pro-democratic tar las elecziuns districtualas a Hongkong. La scheffa da la regenza da Hongkong Carrie Lam percunter di da vulair tadlar cun attenziun las ideas dals burgais.

Era sche mo ina part da las vuschs è dumbrada, han ils candidats democratics gia conquistà cleramain pli che la mesadad dals 452 posts, sco la gasetta «South China Morning Post» annunzia. E la participaziun a l'elecziun da passa 71% munta in record per Hongkong, avant quatter onns era la participaziun be tar 47%.

Victoria indirecta per Joshua Wong

L'enconuschent activist da democrazia Joshua Wong ha motiv per giubilar. El è vegnì disqualifitgà da las autoritads e n'ha betg dastgà candidar tar las elecziuns dal district. Persuenter è uss vegnì elegì Kelvin Lam, quai candidat che ha substituì Wong.

RR novitads 06:00