En l'Austria dastgan hotels ed auters manaschis da pernottaziun puspè avrir ils 29 da matg. Quai ha communitgà la ministra da turissem Elisabeth Köstinger. Il svilup positiv actual dal coronavirus permettia da far quest pass. Ils hotels austriacs han stuì serrar la fin da mars.
L'entira branscha ha fatg ina franada totala. Per ils manaschis èn las ultimas emnas stadas extrem grevas, en intgins cas èsi perfin ì per l'existenza.
Gia ils 15 da matg pon manaschis gastronomics avrir, quai dentant cun novas reglas. Vid ina maisa dastgan sulet 4 persunas seser e la distanza tar las maisas vischinas sto esser almain 1 meter. I vegn recumandà da reservar las maisas.
Ord l'archiv:
En Svizra n'èsi anc betg cler cura ch'il turissem u la gastronomia pon puspè avrir lur portas. Cun il turissem è dentant il Cussegl federal sa fatschenta la fin d'emna passada:
video
Coronavirus: Turistichers han discutà cun il Cussegl federal
Or da Telesguard dals 27.04.2020.
laschar ir. Durada: 3 minutas 15 Secundas.
