Sco il concern american Hewlett Packard Company HP communitgescha sin sia pagina d'internet, ston els clamar enavos plirs models da computer en l’entir mund pervia dad accus manglus. Quels pudessan s’inflammar ed uschia periclitar ils utilisaders. Pertutgads sajan ils models Probook, Envy, Pavilion, Zbook, Studio G3 e HP 11 installads ch'èn vegnids vendids ils ultims dus onns en l'entir mund. Sulettamain en ils Stadis Unids sajan quai 50'000 computers.
Ils clients pertutgads vegnian infurmads ed ils accus remplazzads gratuitamain.
RR novitads 06:00