Legenda:
Hun Sen è dapi il 1985 èn uffizi sco primminister. L'opposiziun ha el fatg taschair cun scumandar ella.
Keystone
cuntegn
Exteriur - Hun Sen regia vinavant la Cambodscha
Il primminister Hun Sen ha gudagnà cleramain las elecziuns dispitaivlas dal parlament en la Cambodscha. Tenor ils resultats inuffizials po sia partida populara CCP quintar cun passa 80% da las vuschs.
Hun Sen vegn uschia da francar sia pussanza dapi 30 onns. La pli impurtanta partida da l’opposiziun CNRP (Partida naziunala dal salvament) ha el laschà scumandar l’onn passà. Uschia n’hai betg vairamain dà in concurrenza.
Politichers da l’opposiziun èn vegnids assassinads, sesan en praschun pervia da tradiment dal pajais sco quai ch’i vegn pretendì u ch’els èn fugids en l’exil. La partida CNRP ha numnà las elecziuns ina «farce».
