Siglir tar il cuntegn
Inhalt

Exteriur Hurican Michael vegn pli flaivel

Il hurican Michael è vegnì pli flaivel sin ses viadi sur il stadi federativ american Georgia.

Purtret da bastiments destruids a la riva da Florida.
Legenda: Hurican Michael è gia puspè vegnì pli flaivel, la devastaziun ch'el ha chaschunà è tuttina gronda. Keystone

Il center da huricans american ha degradà Michael da stgalim 5 sin stgalim 1. Tuttina ha el chaschunà grondas devastaziuns. Tenor las autoritads èn passa 310'000 chasadas e fatschentas senza electricitad en la regiun. En la Florida è in um vegnì sturnì d'ina planta ch'è crudada enturn.

Il hurican era fruntà mesemna cun spertadads dal vent da fin a 250 kilometers l'ura sin terra franca. Al hurican han pia mancà be 2 kilometers l'ura spertadad per vegnir auzà sin il stgalim il pli ferm, 5.

Blers restads a chasa empè d'ir en segirezza

Las autoritads avevan supplitgà bleras persunas da bandunar lur dachasa e dad ir en segirezza. Blers na sajan dentant betg suandads la supplica. Il guvernatur, Rick Scott è stà trumpà da la populaziun.

RR novitads 06:00