Il center naziunal per hurricans ha classifitgà Michael sin il terz da tschintg stgalims da fermezza. El cuntanschia spertadads da vent da fin 195 kilometers l'ura. Il stemprà duai cuntanscher la costa dal Florida la mesemna suentermezdi. Las autoritads han avertì d'inundaziuns, ferma plievgia e ferm vent.
Il guvernatur da Florida, Rick Scott ha avertì che Michael pudess daventar il stemprà il pli devastant dapi decennis per Florida. Plinavant ha la polizia supplitgà passa 120'000 abitantas ed abitants dad evacuar lur dachasa. La populaziun na duai betg ir en ristgs nunnecessaris. Quai na possian ins betg surviver, ha ditg Scott.
RR novitads 06:00