Per l'emprima giada dapi il favrer ha il president russ Wladimir Putin telefonà cun il president american Barack Obama. Quai communitgescha la Chas'alva a Washington. I hajan surtut discurrì dal conflict en l'Ucraina.
Obama haja supplitgà Putin da sa tegnair vida las obligaziuns che la Russia haja suttascrit en la cunvegna da pasch da Minsk. Putin stoppia trair enavos tut ses schuldads e tut las armas ord l'Ucraina.
Avant dus dis avevan ils Stadis Unids annunzià da staziunar per l'emprima gia armas grevas en ils stadis da la NATO en l'ost da l'Europa.
