Siglir tar il cuntegn

Header

cuntegn

Exteriur I dovra dapli meds per proteger ils cunfins da l’UE

L’organisaziun che duai proteger ils cunfins da l’Uniun europeica, la Frontex, pretenda dapli sustegn tras ils stadis commembers.

Cunzunt dovri dapli persunal, ha ditg il schef da Frontex a gasettas. Dentant dovria era in meglierament dal cumbat cunter ils cuntrabandists d’umans e cunter il crim organisà.

Ed ils schabetgs dals davos mais hajan mussà che l’Europa stoppia sa cunvegnir sin in management unifitgà europeic, era per pudair registrar sistematicamain ils fugitivs, communitgescha Frontex. Il mument vegn perquai elavura in sistem electronic per registrar ils fugitivs, cumpatibel per tut ils stadis da l’UE.

La Frontex na quinta il proxim temp betg che las massas da fugitivs che vegnan en direcziun Europa sa sminueschian. L’organisaziun che duai proteger ils cunfins da l’UE quinta cun fin a 500’000 fugitivs sulettamain a la costa en la Tirchia dal vest.

RR Novitads 12:00

Artitgels legids il pli savens