Siglir tar il cuntegn

Header

cuntegn

Exteriur I dovra squitsch massiv sin il reschim d'Assad

Avant ch'ils discurs da pasch per la Siria cumenzan glindesdi a Genevra pretenda il minister da l'exteriur tudestg Frank-Walter Steinmeier dal reschim dal dictatur Baschar al-Assad e da l'opposiziun tractativas seriusas.

A medem temp stoppia la communitad internaziunala restar activa. Senza in squitsch massiv sin las partidas da tractativas, surtut da la Russia e l'Iran sin il reschim d'Assad na vegnia quai betg a funcziunar. Era suenter passa dus emnas d'interrupziun dal fieu saja la situaziun en la Siria anc adina fitg fragila, ha ditg Seinmeier.

L'intermediatur da l'ONU Staffan de Mistura ha ènvida las partidas d'uiara a Genevra per cuntinuar ils discurs da pasch ch'ins aveva interrut l'entschatta favrer. Finamiras dals discurs èn ina regenza transitorica ed ina nova constituziun per la Siria.

RR novitads 08:00

Artitgels legids il pli savens