I vegn stretg per la presidenta brasiliana

Il tribunal suprem da la Brasilia ha dà glisch verda. Uss pon las inquisiziuns cunter radund 50 persunas suspectadas en il scandal da corrupziun dal concern d'ieli Petrobras cumenzar.

Dilma Rousseff discura cun ils mauns en l'aria Bild in Lightbox öffnen.

Legenda da maletgs: Collavuraturs da Dilma Rousseff vegnan suspectads da corrupziun. Keystone

I dettia indicaziuns per agirs illegals, argumentescha la dretgira. La procuratura generala ha pretendì d'abolir l'immunitad da persunas politicas.

Consequenzas per presidenta Rousseff

Il scandal da corrupziun para d’avair consequenzas negativas per Dilma Rousseff. L’opposiziun vegn ad empruvar che la presidenta vegn relaschada da ses uffizi. Delicat è che Rousseff è stada presidenta dal cussegl d’administraziun da la Petrobras durant ils onns ch’il concern duai avair prendì daners da corrupziun.

RR novitads 10:00