Siglir tar il cuntegn

Header

cuntegn

Exteriur Ikea en il visier da l’Uniun europeica

Suenter ina rotscha da concerns americans piglia la cumissiun da concurrenza da l’Uniun europeica er en il visier il concern da mobiglias svedais Ikea, quai pervia da praticas da tagias betg lubidas. Pervia da quellas paja il concern probabel pli pauca taglia.

En il center stattan duas cunvegnas da taglia cun l’Ollanda. Quellas possian avair stgaffì per l’Ikea in avantatg betg fair envers autras Interpresas, communitgescha la cumissiun.

Ikea refusa tut las rinfatschas da Brüssel. Ins haja pajà taglia tenor las reglas da l’UE, communitgescha il concern.

La cumissiun da concurrenza ha gia agì cunter in’entira rotscha da concerns americans en sumegliants cas. Il 2015 aveva ella declerà sco illegals deals da taglia tranter l’Ollanda e Starbucks e tranter il Luxemburg e Fiat-Chrysler.

RR novitads 18:00

Artitgels legids il pli savens