Exteriur - Il Canada na vul betg pli sgular attatgas en Siria e l'Irac
Il Canada vul retrair ses aviuns da cumbat da la Sira e l'Irac, quai ha annunzià il nov prim-minister Justin Trudeau e sa tegna uschia vid sia empermischun dal cumbat electoral. El haja infurmà il president american Barack Obama.
In termin per la retratga n'ha Trudeau però betg numnà. Fin ussa è il Canada sa participà cun intgins aviuns da cumbat a la colliaziun internaziunala cunter il Stadi islamic sut direcziun dals Stadis Unids.
Il Canada vegnia dentant vinavant a sa participar vid il cumbat cunter la milissa da terror, uschia Trudeau.
