Il cumbat da dazis tranter Ils stadis Unids e la China va vinavant. Peking ha uss decretà 106 ulteriurs products americans cun dazis da multa. Ils dazis muntan totalmain a radund 50 milliardas dollars.
Tranter ils products èn er bagiaunas da soja. Quai è il product il pli impurtant dals Stadis Unids. Radund 60% exportescha la USA en la China. Ma er autos u products chemics èn sin la nova glista.
Replica en la segunda runda da cumbat
Quests ulteriurs dazis èn ina replica sin la segunda runda dal cumbat da dazis. Ils Stadis Unids avevan suenter l'emprima replica da la China communitgà da proteger radund 1'300 ulteriurs products chinais cun dazis da multa da 25%.
RR novitads 17:00
