Siglir tar il cuntegn

Header

cuntegn

Exteriur Il Cumissari per dretgs umans na va betg en Russia

Il Cumissari per dretgs umans dal Cussegl da l’Europa Nils Muiznieks na vegn betg a viagiar en Russia. Las autoritads russas hajan suttamess cundiziuns inacceptablas, ha ditg Muiznieks

La visita da Muiznieks fiss stada limitada sin 48 uras a Moscau. Uschia na fiss quai betg stà pussaivel da discutar cun tut las partidas. Era n’avess el betg astgà viagiar en ulteriuras regiuns.

Quai saja l’emprima giada insumma ch’in cumissari per dretgs umans abolescha in viadi pervi da restricziuns d’in pajais, ha ditg in pledader. La visita avess duair controllar la libertad da medias sco er la lavur d'organisaziuns nunguvernamentalas.

Muiznieks ha annunzià da vinavant vulair observar la situaziun dals dretgs umans en Russia dal lontan. El vul era s'exprimer tar quella. Tar ses pensums tutga da visitar regularmain tut ils stadis dal Cussegl da l'Europa per examinar la situaziun dals dretgs umans.

RR novitads 14:00

Artitgels legids il pli savens