Siglir tar il cuntegn

Header

Navigaziun

cuntegn

Exteriur Il delinquent probabel da Utrecht è en arrest

L'avantmezdi aveva in um sajettà en in tram en la citad ollandaisa da Utrecht. Suenter pliras uras ha la polizia lura annunzià ch'els hajan tschiffà il suspectà principal. Trais persunas eran mortas tar il sajettim.

L'um suspectà aveva sajettà il glindesdi avantmezdi en in tram. Trais persunas èn mortas. E tenor la polizia èn tschintg persunas vegnidas blessadas, trais da quellas sajan en in stadi serius.

Il motiv da l'attatgader n'è vinavant betg cler. D'ina vart discurra il ministeri da l'intern ollandais d'in pussaivel motiv terroristic da l'um. La polizia da l'autra vart ha dentant era menziunà ch'in drama da famiglia na saja betg d'excluder.

Segunda persuna en arrest

En connex cun l'attatga hajan els arrestà ina segunda persuna suspectada, ha la polizia da Utrecht dà enconuschent. Co e quant fitg che questa persuna è involvida en l'attatga, n'è tenor la polizia dentant betg cler.

  Carta dals Pajais Bass.
Legenda: SRF

RR novitads 14:00 ++