Siglir tar il cuntegn

Header

Navigaziun

Portrait Mordillo cun dissegns cun si ses animals.
Legenda: Cun nasuns ed umor fin a renum mundial – Mordillo e ses protagonists. Keystone
cuntegn

Exteriur Il dissegnader filosof – Mordillo è mort

Il dissegnader saja mort la sonda saira durant ina tschaina en famiglia en in restorant sin l’insla spagnola da Mallorca. Quai rapportan la gasetta spagnola «El Pais» e l'agentura da novitads DPA.

Surtut en ils onns 70 tutgavan ses dissegns tar quels ch’eran ils pli publitgads en il mund. Sias lavurs sun da colurs fermas e surtut dad in umor, che Mordillo exprimiva en ses caracters comics e paschaivels be cun gests e moviments e senza pleds.

Mordillo cun giraffa.
Legenda: Mordillo e sia giraffa – l'artist ad in'exposiziun en occasiun da ses 60avel il 1992 a Hamburg. Keystone

Ses protagonists ils pli enconuschents èn ils animals e tranter da quels sias giraffas. L’artist, ch’aveva dissegnà fin tar sia mort, aveva cumenzà sia carriera cun 18 onns e quai sco illustratur da cudeschs d’uffants. El ha er lavurà per il kino e per far reclama, abitava a New York ed a Paris. Davent da là ha el er tramess sias lavurs a publicaziuns en Germania.

Anc adina vid la lavur – Mordillo en in post sin facebook il settember 2018: