Exteriur - Il dubel – nova sentenzia per Oscar Pistorius
La pli auta dretgira d'appellaziun da l’Africa dal Sid ha dublegià il chasti d'arrest dal anteriur sportist d’elita. Oscar Pistorius ha dad ir per 13 onns e 5 mais en praschun enstagl da 6 onns, rapportan pliras agenturas.
Legenda:
Oscar Pistorius sin in maletg d'archiv da l'emprima annunzia da sentenzia il zercladur l'onn 2016.
Keystone
2 / 5
Legenda:
Il cas dad Oscar Pistorius aveva occupà las medias e la publicitad sur onns.
Keystone
3 / 5
Legenda:
Ina dunna tegna ina fotografia da Reeva Steenkamp durant il funeral dad ella.
Keystone
4 / 5
Legenda:
Per las dretgira è cler: Tras questa porta ha Pistorius mazzà sia amia.
Keystone
5 / 5
Legenda:
Oscar Pistorius en sia carriera d’atlet l’onn 2008 a Luzerna.
Keystone
La dretgira d'appellaziun suprema da l'Africa dal Sid a Bloemfontein ha decidì il venderdi avantmezdi, che Oscar Pistorius sto ir per 13 onns e 5 mais en praschun enstagl da 6 onns.
Per mazzament datti en l'Africa dal Sid normalmain 15 onns praschun. La dretgira ha dentant resguardà il temp ch'el era già en Praschun.
La procura publica aveva appellà pervi da l chasti «schoccantamain lev»
La dretgira suprema ha uschia dat raschun a la procura publica. Quella aveva numnà l’emprim chasti d’arrest dal fanadur 2016 cunter Pistorius «schoccantamain lev» ed era ida pervi da quai en appellaziun.
Oscar Pistorius è vegnì sentenzià per avair sajettà il di da Valentin l’onn 2013 sia amia Reeva Steenkmap cun quatter sajets atras l’isch da la tualetta. Il cas aveva muventà il public sur onns e quai sur ils cunfins da l’Africa dal Sid ora.
