Il dumber d’unfrendas crescha sin 44

Tar tarmentas explosiuns en la citad nord-chinaisa Tianjin èn mortas almain 44 persunas. Tranter las unfrendas sajan er 12 pumpiers, communitgescha l'agentura da novitads statala. 520 persunas sajan vegnidas transportadas en l'ospital. Da quellas sajan 66 en privel da vita.

Pervia d’in incendi en in magasin cun chemicalias privlusas ha quai dà almain 2 explosiuns. Bild in Lightbox öffnen.

Legenda da maletgs: Pervia d’in incendi en in magasin cun chemicalias privlusas ha quai dà almain 2 explosiuns. Keystone

Tenor la televisiun statala CCTV sajan ils pumpiers vegnids alarmads pervi dad in incendi en in magasin cun chemicalias privlusas. Suenter ch'els sajan arrivads haja quai dà almain 2 explosiuns. Quellas èn stadas uschè fermas ch'ellas èn vegnidas registradas dal center naziunal per terratrembels. Bleras persunas èn para vegnidas blessadas da vaider e crappa ch'è vegnì sdermanadas enturn.

RR novitads 10:00