Exteriur - Il euro: ina munaida – in ministeri da finanzas
La zona da l'euro dovra in ministeri da finanzas communabel. Quai pretendan almain ils presidents dals instituts d'emissiun da la Germania e la Frantscha. En vista als gronds deficits ed a las grondas differenzas economicas saja l'Europa al spartavias.
Quai scrivan Jens Weidemann e Francois Villeroy de Galhau en la gasetta "Süddeutsche Zeitung". Ils dus presidents proponan in ministeri da finanzas communabel en connex cun in cussegl fiscal.
Ils stadis da la zona da l'euro stuessan per quest intent surdar bleras cumpetenzas al ministeri sin stgalim europeic.
