Il Giapun nizzegia puspè l’energia nucleara

Bun 4 onns suenter la catastrofa atomara da Fukushima metta il Giapun per la prima giada puspè vid la rait in reactur.

Giapunais che tegnan placats cun scrit si "NO". Bild in Lightbox öffnen.

Legenda da maletgs: Protests cunter puspè metter en funcziun l’ovra atomara giapunaisa Sendai hai gia dà il november 2014. Reuters

Il reactur vegn reactivà malgrà la gronda resistenza da la populaziun. La gestiunaria da l'ovra atomara Sendai en il sidvest dal pajais ha annunzià, da metter en funcziun in emprim bloc il mardi. Fin il davos avevan burgais empruvà da franar il concern avant dretgira.

En consequenza da la catastrofa atomara dal 2011 èn tut ils 48 reacturs en il Giapun tschentads giu dapi radund 2 onns. La regenza conservativa vul però puspè turnar enavos tar l'energia atomara.