Siglir tar il cuntegn
cuntegn

Exteriur Il mund daventa pli e pli corrupt

La corrupziun sa derasa adina pli fitg. Quai mussa il nov rapport da l'organisaziun «Transparency International».

Placat.
Legenda: La corrupziun na vegn betg pli pitschna en il mund. Keystone

Ils pajais ils pli paucs corrupts èn il Danemarc, la Finlanda e la Nova Zelanda. La Svizra sa chatta sin plazza 5. L'onn avant era ella anc sin il 7avel plaz. A la cua da la rangaziun è sco gia adina ils ultims onns la Somalia.

S'augmentada il pli fitg è tenor il rapport la corrupziun en il Catar. «Transparency International» avertescha che la corrupziun creschia en pajais che vegnian regids da populists. Sco exempels numna ella l'Ungaria e la Tirchia.

La retschertga sa basa sin examinaziuns d'instituziuns independentas en 176 pajais.

RR novitads 07:00

Corruption Perceptions Index

L’index da corrupziun (CPI) mesira sco la corrupziun vegn percepida en la politica, l’economia e l’administraziun. El tanscha da 0 fin 100. 100 stat en quest index per il grad da corrupziun il pli bass.