Quai communitgescha la firma da perscrutaziun da martgà americana Gartner. I sa tractia da l'otgavel minus en roda, la pli lunga fasa da minus en l'istorgia da la branscha.
Il mund s’interessa uss per apparats mobils
Tenor l’analista Mikako Kitagawa da Gartner dettia dus problems principals: In è ch’ils consuments salvan pli ditg lur computers cun quai ch’els hajan er a disposiziun auters apparats sco tablets e smartphones. L’auter problem: En ils novs pajais industrials è l’interess per computers en general pitschen.
Lenovo e Hewlett-Packard quasi medemamain ferm
Tenor las analisas da Gartner ed in auter institut, IDC, è anc adina Lenovo da la China a la testa en il martgà da computers. Quai dentant mo anc stgarsamain. Lenovo aveva en il terz quartal 20,9% dal martgà Fertant ch’il concurrent american Hewlett-Packard (HP) aveva 20,4%.
RR novitads 11:00