Il nov Ben Hur na po betg tegnair cun cul film legendar

Ben Hur dal 1959 cun la legendara cursa da chars e chavals. 11 oscars ha quest film gudagnà. Il nov film da Ben Hur che vegn dapi gievgia en ils kinos Svizzers vegn strusch uschè legendars.

La cursa da chars e chavals porscha è il punct culminant dal film Ben Hur. Bild in Lightbox öffnen.

Legenda da maletgs: La cursa da chars e chavals è il punct culminant dal film Ben Hur. Keystone

222 minutas lungs è il film dal 1959. Il nov Ben Hur dovra mo 124 minutas per raquintar la istorgia.

En il center dal film stan il gidieu Judah Ben Hur e ses frar adoptà Messala Severus ch’è in Roman. Durant l’uffanza èn els ils megliers amis. Ma quai sa mida, cura che Messala Severus sa decida dad ir per ils Romans en la guerra. E la fin finala datti lura il grond final, la cursa da chars e chavals legendara. Il grond final tranter Juda Ben Hur e ses frar Messala Severus.

Il nov film ha pliras flaivlezzas...

Acturs enconuschents chattan ins strusch. Ben Hur vegn giugà da Jack Huston e Messala Severus da Toby Kebbell. A quests dus acturs manca dentant il carisma per lur rollas.

Il sulet actur grond e renumà en quest nov film da Ben Hur è Morgan Freeman che gioga in schaic.

Plinavant manca, tranter en, igl egl per ils detagls. Bleras scenas èn vegnidas fatgas cun agid dal computer.

...dentant er ina u l'autra fermezza

Il film ha en mintga cas è sias sequenzas fermas e scenas coolas. Las scenas dad action persvadan en il nov film da Ben Hur. La cursa da chars e chavals è inscenada bain e porscha blers maletgs.

Resumà èsi in tipic film da popcorn. Ins vegn divertids. Ma concurrenza cul film legendar dal 1959 na sa el betg far.