Siglir tar il cuntegn

Header

cuntegn

Exteriur Il nov «Rocky» cun Sylvester Stallone en il kino

«Creed - Rocky's Legacy», uschia sa numna il nov film cun il renumà boxist Rocky Balboa. Sco en mintga film vegn Rocky Balboa giugà da l’actur Sylvester Stallone.

Rocky n’è dentant betg la persuna principala en quest film. La persuna principala è Adonis Johnson-Creed, il figl d’Apollo Creed. Apollo era pli baud il grond rival da Rocky, e suenter lura in bun ami.

audio
Mezdi: Film Creed e Sylvester Stallone
ord Actualitad dals 18.01.2016.
laschar ir. Durada: 6 minutas 7 Secundas.

L’istorgia dal film

El nov film è Rocky Balboa trenader, ed el trenescha il figl da ses anteriur rival ed ami. Uschia sa sviluppescha ina relaziun tut speziala tranter Rocky ed Adonis. E Rocky mussa ch’el n’è betg mo in bun boxist, mabain era in fitg bun trenader.

Schanza sin l'emprim Oscar

Sylvester Stallone è vegnì nominà per sia prestaziun en il film «Creed-Rocky’s Legacy» per in Oscar, quai sco meglier actur secundar. Gia per l'emprim film «Rocky» da l'onn 1977 avevi dà per el duas nominaziuns per in Oscar. La finala survegnì ina tala undraziun n'ha Stallone anc mai. Sche quai gartegia quest onn, vegn enconuschent la fin da favrer.

Artitgels legids il pli savens