Papa Francestg ha celebrà la saira da venderdi sontg la via da la crusch tradiziunala al Colosseum a Roma. Ensemen cun il papa èn dieschmillis da cartents, pelegrins e turists sa regurdads dal patir da Jesus Cristus.
En ses predi ha il papa cunzunt crititgà mintga furma da terrorissem e da violenza, sco er l’indifferenza envers il patir dals fugitivs. Plinavant ha papa Francestg er condemnà l'abus d'uffants aifer la Baselgia catolica.
Per la ceremonia han ils responsabels intensivà las mesiras da segirezza: Unitads spezialas da la polizia eran preschentas dapertut.
RR novitads 06:00