Siglir tar il cuntegn
Inhalt

Exteriur Il parlament en la Gronda Britannia vul era il Brexit

Las duas chombras parlamentaras en la Gronda Britannia han dà il consentiment a las tractativas d’extrada ord l’Uniun europeica. La finala ha era la Chombra dals lords approvà la lescha. Uss manca anc la suttascripziun da la regina Elisabeth. Ma quai sulet ina chaussa formala.

La Chombra dals lords a Londra.
Legenda: Era la Chombra dals lords ha approvà la lescha dal Brexit. Uss pon las contractivas cun l'UE cumenzar. Keystone

La lescha nova dat la pussaivladad a la primministra Theresa May da cumenzar cun l’Uniun europeica ils discurs d’extrar ord da l’UE. Uschè spert ch'il scriver è inoltrà a Brüssel cumenza la fasa da tractativas che sto vegnir serrada giu aifer dus onns.

Minister dal exteriur Johnson è optimistic

Il minister dal exteriur da la Gronda Britannia Boris Johnson è gia avant las decisiuns dal parlament sa mussà optimistic sur da las contractivas cun l’UE. En ina intervista la dumengia aveva Johnson ditg che era nagina cunvegna cun l’UE fiss ina pussaivladad. Ma quai vegnia betg ad esser il cas, perquai che l’UE haja interess da realisar ina cunvegna cun l’UE, ha ditg Johnson.

RR novitads 06:00