Siglir tar il cuntegn
cuntegn

Exteriur Il parlament grec lascha decider il pievel

La notg sin la dumengia ha il parlament da la Grezia decidì en favur dal referendum davart la dispita da daivets, proponì dal primminister Alexis Tsipras.

Il primminister grec Alexis Tsipras.
Legenda: Il parlament grec è suandà a la proposta dal primminister Alexis Tsipras per in referendum. Reuters

Ils deputads grecs han vuschà cun 178 gea cunter 120 na, per ch'il pievel grec possia decider davart las mesiras da spargn e da refurma, ch'ils crediturs internaziunals avevan preschentà oriundamain. Il referendum duai avair lieu dumengia proxima.

La sonda saira avevan ils ministers da finanzas da l'euro refusà la pretensiun da la regenza greca, da prolungar il program d'agid che scada il mardi.

RR Novitads 06:00