Il planet Jupiter survegn visita d’ina sonda da la Nasa

Ina sonda da la Nasa vegn uschè datiers dal planet Jupiter sco anc nagut uman è probabel stà ina giada.

La sonda «Juno» avant il Jupiter. Bild in Lightbox öffnen.

Legenda da maletgs: En tut era la sonda tschintg onns sin viadi per cuntanscher il pli grond planet da noss sistem solar, il Jupiter. Keystone

La sonda cun il num «Juno» duai tenor indicaziuns da l’agenzia astronautica dals Stadis Unids Nasa s’approximar a las nivlas da gas dal planet Jupieter sin ina distanza da 4667 kilometers, uschè datiers sco anc nagin object uman.

Il mardis baud la damaun duai «Juno» alura cuntanscher ina trajectoria quasi elliptica tar il pli grond planet da noss sistem solar. Dapi intgins dis sa chattà la sonda che vegn per gronda part messa en moviment da forza solara en il champ magnetic dal Jupiter.

La scienzià vul respostas sin l’entschatta dal sistem solar

La sonda da bun 3’500 kilos era partida l’avust 2011 dal Cape Canaveral en il Florida ed ha fin uss surmuntà ina distanza da radund 2’800 milliuns kilometers.

Fin il favrer 2018 duai la sonda uss intercurir il planet e circumdar il planet. La scienza spetga respostas da quest experiment sco il sistem solar avess pudì nascher. Custa ha l’entira missiun radund 1 milliarda euros.

RR multimedia