L'inscunter tranter ils socialists ed ils conservativs, ch'han gudagnà las elecziuns d'avant in'emna, n'haja purtà nagin resultat. Quai ha ditg il schef da la regenza transitorica, Pedro Passos Coelho. Cunquai sto il schef dal stadi Anibal Cavaco Silva decider, tgi ch'el vul nominar sco prim-minister, suenter avair manà discurs cun tut las partidas.
La coaliziun da Coelho aveva bain gudagnà las elecziuns, n'aveva però betg cuntanschì la maioritad ed è uschia dependenta dal sustegn dals socialists.
RR Novitads 06:00