In vast public enconuscha Umberto Eco tras il film «Der Name der Rose» che sa basa sin ses emprim roman publitgà l’onn 1980. Dasper vala Eco sco in dals grond intellectuals da noss temp. El è stà activ sco schurnalist lectur editur e professer d'universitad. Sia «Introducziun en la semiotica» vala fin oz sco ovra da standard internaziunala.
Eco ha scrit plirs bestsellers
Suenter «Der Name der Rose» ha Eco gì success internaziunal cun ulteriurs romans: «Das Foucaultsche Pendel» (1988), «Die Insel des vorigen Tages» (1994) e «Baudolino» (2000) èn stads bestsellers internaziunals. Ed il 2011 è cumparida l’ediziun tudestga da ses roman «Der Friedhof in Prag».
Oriund da l'Italia dal nord
Umberto Eco è naschì ils 5 da schaner 1932 sco figl d’in contabilist en la citad Alessandria en l’Italia dal nord. Cun sia dunna tudestga Renate Ramge aveva el ina figlia ed in figl.
RR Novitads 06:00