Siglir tar il cuntegn
Inhalt

Exteriur Il stadi da Florida vul rinforzar la lescha d’armas

Uschia reagescha il stadi american sin la mazzacra en ina scola da Florida da mez favrer nua che 17 persunas eran mortas.

Discussiun en la chombra da represchentads dal stadi da Florida.
Legenda: En la chombra dals represchentants da Florida èsi vegnì discutà intensivamain suenter l'ulteriura mazzacra. Keystone

Suenter il senat ha uss er la chombra dals represchentants decis d'augmentar la vegliadetgna minimala per cumprar armas da 18 sin 21 onns. Persunas che vulan cumprar ina nova arma duain plinavant stuair spetgar trais dis sin lur nova arma. Ultra da quai duain tscherts collavuraturs en scolas da nov astgar purtar in’arma.

Il sboz da lescha sto vegnir suttascrits dal guvernatur

Cun quellas prescripziuns reagescha il parlament sin la davosa mazzacra en ina scola. Mez favrer aveva in anteriur scolar sajettà giu 14 scolars e 3 creschids. Quella mazzacra ha danovamain effectuà ina debatta davart ina lescha d'armas pli severa. Auter che tiers ils acts dils davos onns è la discussiun quella giada betg tschessada uschè spert.

RR novitads 06:00