Il grec probablamain pli enconuschent en Germania era vegnì cun 16 onns da la Grezia en Germania. Sia emprima platta ha el publitgà il 1965 – ina versiun tudestga da «Crying in the chapel» dad Elvis Presley, «Du hast ja Tränen in den Augen».
Propi in star dal schlagher è el daventà ils onns 70 cun trais dunnas – numnadamain cun ils hits «Carolina» (1973), «Anna Lena» (1974) ed apunta «Anita» (1976). In veritabel revival ha el gì il 2004 cun daventar il retg da la dschungla da l'emettur privat RTL.
Dapi divers onns passentava il chantadur la pli gronda part da l'onn sin l'insla spagnola Mallorca, nua ch'el è mort il mardi suentermezdi en il ravugl da sia famiglia.
RR novitads 20:00