Davent dal mardi vegnian els a rumir pass per pass l'areal han las autoritads franzosas communitgà. Sin l'areal en la Frantscha dal nord vivan plirs millis fugitivs en tendas e baraccas. Lur finamira è da cuntanscher la Gronda Britannia a moda illegala.
Critica da organisaziuns d'agid
Pertutgadas da la rumida fissan 800 enfin 1000 persunas. Ellas duain midar en in champ da containers provisoric sin l'areal, ubain en centers d'accoglientscha en autras regiuns da la Frantscha. Diversas organisaziuns d'agid crititgeschan dentant che quai na sajan naginas alternativas valaivlas. Ord vista dals migrants na saja quai nagina schliaziun.
Dapi mais emprovan millis da persunas da siglir sin trens u camiuns che van en direcziun Gronda Britannia.
RR novitads 9:00