Siglir tar il cuntegn

Header

cuntegn

Exteriur Il tirafils da Sri Lanka è mort

Quel che duaja avair tratg tut ils fils tar las attatgas en Sri Lanka Zahran Hashim saja mort durant las attatgas, communitgescha la regenza tenor ina infurmaziun dal servetsch secret. Hashim vala sco il manader da la gruppa d’islamists che duai esser responsabla per las attatgas.

Fin uss n'era betg cler sch'il chau da la gruppa National Thowheeth Jama'ath (NTJ) saja stà tranter ils attatgaders da suicidi u sin fugia. Avant las attatgas era Hashim pli u main nunenconuschent en la Sri Lanka. En medias online aveva el però millis aderents. El ha publitgà predis provocants sin youtube e facebook. Tenor medias localas haja Hashim fundà la NTJ il 2014.

Entant han las autoritads curregì engiu il dumber d'unfrendas sin 253. La raschun saja che baras sajan vegnidas dumbradas dubel. 485 persunas èn blessadas.

RR novitads 08:00

Artitgels legids il pli savens