Il rapport da la procura publica mussia in agir criminal e moralmain fauss, ha communitgà in pledader dal vatican Greg Burke. La baselgia stoppia emprender ord da quests sbagls ed il papa stettia sin la vart da las unfrendas.
Il procuratur statal da la Pennsylvania Josh Schapiro rinfatscha als represchentants da la baselgia catolica d’avair sapientivamain zuppentà abus e violaziuns. Shapiro discurra dal pli grev cas d’abus tras la baselgia en ils Stadis Unids. Uschia sajan 300 spirituals sut suspect era represchentants pli auts da la baselgia. Fin uss èn radund milli unfrendas identifitgadas
RR novitads 06:00