Siglir tar il cuntegn
cuntegn

Exteriur Ils ballapedists tailandais dastgan ir a chasa

In'emna suenter la fin dal drama da tauna en Tailanda vai puspè bain cun ils giuvenils, uschia ch'els pon ir a chasa.

Uffants tailandais
Legenda: La conferenza da pressa è vegnida emessa en la televisiun tailandaisa. Keystone

In'emna suenter la fin dal drama da tauna en la Tailanda dastgan ils 12 buobs salvads e lur trenader returnar a chasa. Quai han las autoritads communitgà sin ina conferenza da medias. Dapi il salvament èn ils buobs sco er lur trenader stads en in ospital. Tenor ils medis giaja bain cun ils giuvenils dad 11 fin 17 onns. En media hajan els puspè prendì tiers trais kilos paisa.

Ils 23 da zercladur eran ils 12 ballapedists giuvens e lur trenader da 25 onns ids en ina tauna nua ch'els èn vegnis surpigliads d'auas grondas. Pir suenter passa duas emnas èsi gartegià da liberar els or da la tauna datiers da Chiang Rai.

RR novitads 15:00