Per quest onn quinta l'Italia be pli cun ina creschientscha da l'economia da 0,8%. L'avrigl ha ella anc quintà cun in plus da 1,2%.
Quest onn vul il primminister tegnair or da la calculaziun dals defizits da l'UE ils custs per ils fugitivs e per la reconstrucziun suenter il grev terratrembel da l'avust. Uschiglio saja il defizit total per l'onn proxim tar sur 2,4%. Quai pudess puspè chaschunar problems cun la cumissiun da l'UE che ha gia pliras giadas supplitgà Renzi da sa tignair vid las finamiras fiscalas. L'Italia ha suenter la Grezia ils pli blers debits en la zona da l'euro.