Exteriur - Ils discurs da Losanna na portan nagut a la Siria
Ils discurs a Losanna tranter la Russia ed ils Stadis Unids per ina schliaziun dal conflict en la Siria n'han para betg purtà resultats. Sa participads als discurs èn era plirs stadis da la regiun e l’incumbensà spezial da l’ONU per la Siria.
Il minister da l'exteriur russ Sergej Lawrow è s'exprimì a moda reservada, ils participants dals discurs veglian ch'il process politic cumenzia uschè spert sco pussaivel. Uschia citeschan agenturas da novitads russas Lawrow.
Tenor il minister da l'exteriur american John Kerry n'haja dà nagins resentiments durant ils discurs, malgrà che l'atmosfera saja stada per part tendida.
