Las pre-elecziuns en ils Stadis Unids da l'America
Il candidat republican batta cleramain ses pli ferm concurrent Ted Cruz en il stadi federativ Arizona, dumbradas èn trais quartas da las vuschs. Il stadi federativ Utah sa mussa percunter che Ted Cruz fa las bleras vuschs da delegads. Suenter che circa la mesadad da las vuschs èn dumbradas è Trump sulet sin plazza 3 anc davos John Kasich.
Sanders gudogna ad Idaho e Utah
Tar las pre-elecziuns dals Democrats gudogna Hillary Clinton ad Arizona. Ma en ils Stadis da Idaho ed a Utah gudogna ses concurrent Bernie Sanders las bleras vuschs da delegads.
Tgi vegn il mument sin quantas vuschs
Il mument cuntanscha Hillary Clinton 1’681 vuschs da delegads. Bernie Sanders vegn sin 927 vuschs. Ils Democrats basegnan per ina nominaziun 2’383 vuschs da delegads.
Tar ils Republicans maina Donald Trump cun 739 vuschs, avant Ted Cruz cun 465 vuschs. Ils Republicans basegnan en tut 1’237 vuschs per ina nominaziun.
Resultats finals èn da spetgar las proximas uras.
RR novitads 06:00+