Siglir tar il cuntegn

Header

Ils participants dal podium “Il futur da l’Europa” al WEF 2016.
Legenda: Ils participants dal podium “Il futur da l’Europa” al WEF 2016. Reuters
cuntegn

Exteriur Ils fugitivs fatschentan il WEF – novas ideas mancan dentant

Dapli Europa enstagl da damain. Quai è per plirs politichers europeics la schliaziun da la crisa da fugitivs.

Il temp saja stgars, en las proximas 6 fin 8 emnas dovria novas schliaziuns, ha ditg il primminister da l’Ollanda Mark Rutte. La primavaira portia segiramain dapli fugitivs vers l’Europa. Rutte ha pretendì da meglierar l’infrastructura per retschaiver fugitivs en l’Italia ed en la Grezia, ed i dovria ina controlla cuminaivla dals cunfins externs da l’UE. Novas propostas n’ha Rutte dentant betg preschentà.

Agid da milliardas duai gidar

Il minister da l’exteriur Wolfgang Schäuble vul sminuir la pressiun sin ils pajais europeics, cun pumpar milliardas en las regiuns da crisa. L’Europa na vul dentant betg vegnir ina fortezza, ha Schäuble ditg. El quinta dentant che tals agids vegnian a custar a l’UE dapli che spetgà fin qua.

Artitgels legids il pli savens

Scrollar a sanestra Scrollar a dretga