En il Portugal ed en la Spagna furian vinavant incendis da guaud e da chagliom. Sin l'insla atlantica Madeira ch'appartegn al Portugal èn almain 150 chasas brischadas. Sin terra franca portugaisa brischan tozzels da guauds, cunzunt en il Nord. 5000 pumpiers èn tenor las autoritads en acziun.
En la regiun nord-spagnola da Galizia han ins dumbrà oz 7 incendis pli gronds. Las flommas pericliteschan plirs lieus.
En il Sid da la Frantscha han incendis chaschunà gronds donns enturn la citad da Marseille. Passa 3300 hectaras terren èn vegnidas devastadas, sco il ministeri da l'intern communitgescha.
