Siglir tar il cuntegn

Header

cuntegn

Exteriur Ils ministers bittan la fautsch en chanvà

L'inscunter dals ministers da finanzas da l'euro a Brüssel è ì a fin senza resultat. Pliras dumondas centralas sajan anc avertas.

Quai ha ditg il schef da la gruppa da l'euro, Jeroen Dijsselbloem suenter las tractativas. En vista a las differents opiniuns dals represchentants da la zona da l'euro, na saja quai betg realistic da chattar ina cunvegna a curta vista, communitgescha la cumissiun da l'UE. Il bal è ussa tar ils schefs da stadi e da regenza da l'Uniun europeica.

Hollande cunter Grexit sin temp

Il president franzos François Hollande è encunter che la Grezia bandunia la zona da l'euro sin temp. U ch'i dettia in Grexit u betg. Quai ha el ditg curt avant da s'inscuntrar cun ils ulteriurs schefs da regenza da la zona da l'euro. La Frantscha veglia a tut pretsch chattar ina cunvegna anc questa saira.

La proposta d'in «Grexit sin temp» aveva il minister da finanzas tudestg Wolfgang Schäuble fatg sonda saira.

RR novitads 17:00

Artitgels legids il pli savens