Ils plans dal primminister britannic David Cameron d'extender l'acziun militara cunter la milissa da terror Stadi islamic er sin la Siria fruntan sin resistenza.
La cumissiun per la politica da l'exteriur en la chombra dals deputads è s'exprimida cunter attatgas ord l'aria en Siria.
Uschè ditg che la coaliziun timunada dals Stadis Unids n'haja betg in plan concret per il cumbat cunter la milissa da terror na duai l'acziun betg vegnir extendida.
Fin qua attatgan aviuns da cumbat britannics sulet posiziuns da la milissa da terror Stadi islamic en l'Irac.
RR novitads 06:00