Ils refurmaturs iranais gudognan terren

Tar las elecziuns dal parlament en l’Iran van tut ils 30 sezs da la chapitala Teheran a candidats ch'èn per refurmas. Quai rapporta la televisiun statala iranaisa suenter che 90% da las vuschs èn dumbradas.

In um iranais studegia las davosas novitads davart las elecziuns en ses pajais. Bild in Lightbox öffnen.

Legenda da maletgs: In um iranais studegia las davosas novitads davart las elecziuns en ses pajais. Keystone

Era 8 dunnas han tenor quest report cuntanschì l’elecziun en il parlament. Fin uss eran tut ils sezs da la chapitala Teheran occupads da politichers conservativs.

En las ulteriuras parts da l'Iran eran las vuschs tranter refurmaturs e conservativs repartidas fin uss pli guliv. Co la repartiziun vesa ora en il futur, sa mussa pir l’emna proxima cura ch’ils resultats definitivs da l'elecziun vegnan enconuschents.

RR Novitads 09:00