Las cifras da l’emettur da televisiun RTVE mussan però che la PSOE, la partida da Sànchez, ha manchentà la maioritad absoluta. Ella ha obtegnì 28,1% da las vuschs. Sin il segund plaz la partida populara conservativa PP cun 17,8%, avant la partida da sanestra Podemos cun 16,1%.
Blers èn ids a l’urna
La participaziun a las elecziuns dal parlament è ina da las pli grondas en l’istorgia da la democrazia spagnola. Fin las sis da la saira hajan 60,72% dals electurs gì vuschà, ha communitgà la cumissiun electorala. Quai sajan var 9,5% dapli che tar las elecziuns dal parlament dal 2016. Ils biros electorals han serrà la saira a las otg.
RR novitads 20:00