Las attatgas virtualas sin il Bundestag èn para vegnidas instradadas tras e-mails en il sistem da computers dal Bundestag, quai conferman ils responsabels. Cun avrir quest e-mail saja ina pagina d’internet vegnida activada alura sajan in program nuschaivel s'installà en il sistem.
Tenor las emprimas enconuschientschas sa tractia qua d’in program ch'era gia vegni duvrà per infiltrar l’emettur da televisiun franzos Tele5 monde. La gasetta Welt rapporta che probabel programmaders russ hajan sviluppà quest program da computer nuschaivel. Sco il president dal Bundestag Norbert Lammer ha ditg sajan las ultimas duas emnas naginas datas idas ora, ma il sistem d’IT stoppia segir parzialmain vegnir remplazzà.
